Supe krem me karrota

Supa me karrota eshte nje recete gatimi ideale per femijet e vegjel, pasi jo vetem ofron shije, por dhe ushqyeshmeri.
Kjo recete qe po ju servirim eshte e veçante dhe me siguri do te jete e suksesshme ne tryezen tuaj, per shijen e vet delikate.PERBERESIT PER SUPEN:

• 4qepe


• 1kg karrota


• 1limon


• 200gr gjalpe i fresket


• 200gr panna per gjelle


• 1 luge sheqer


• 1 kub me koncentrat perimesh te tretur ne 1l uje (knor)


• majdanoz,kripe,piper i zi, arre moskat

PERGATITJA E SUPES:

1. Qerrojme dhe grijme holle qepet. Presim karrotat me trashesi rreth 3mm. Shtrydhim dhe filtrojme ne nje gote lengun e limonit


2. Ne nje tenxhere te thelle shkrijme gjalpin dhe veme te kaurdisen qepet me zjarr te ulet. Shtojme karrotat dhe sheqerin, i leme te zverdhen pak dhe me pas shtojme lengun e perimeve, duke i lene akoma te zjejne perreth 30'


3. Pasi karrotat te kene zier sa duhet, i kalojme ne griresen e perimeve se bashku me ujin e mbetur me qellim qe te perfitojme nje pure, te cilen do ta aromantizojme me piper te zi, moskat dhe majdanoz te grire holle dhe me pas e perzjejme me panen. Shtojme kripe sa duhet, veme ne zjarr te mare vale dhe supa pure eshte gati. Trashesine mund ta rregulloni sipas deshires, duke shtuar uje ose qumesht.


4. Ju befte mire!

Recete per xup me luleshtrydhe

Xupi me luleshtrydhe eshte nje embelsire angleze, e thjeshte per tu realizuar dhe e fresket ne shije, por mbi te gjitha me efekt persa i perket anes estetike.Perberesit per 6 persona

• 1kuti 500gr panna per embelsira


• copa keku ose pandispanje per 6 kupa


• buding pluhur me vanilje  per 6 persona


• qumesht i ftohte per pergatitjen e budingut


• 1 filxhan çaji qumesht milk ( i koncentruar)


• 500gr luleshtrydhe


• 1 qese e ngrirjes me fruta pylli

Pergatitja e xupit me luleshtrydhe:

1. Ne nje tas te thelle rrahim panen me shpejtesi maksimale. Eshte e keshillueshme qe pana te jete e ftohte dhe ena te jete prej qelqi e lene me perpara bosh ne frigorifer perreth 30' me qellim qe te ftohet.


2. pergatitim budingun. Une zakonisht perdor ne kete rast budingun pluhur te gatshem i cili tretet ne qumesht te ftohte dhe rrihet derisa te krijohet nje mase e trashe dhe konsistente. Gjithsesi nese duhet ta pergatitni vete lereni me perpara te ftohet mire ne frigorifer.Receten per pergatitjen e Budingut vete e gjeni ketu: BUDING Perzjejme gjithashtu dhe me qumeshtin milk(i kondensuar)dhe me pas  me panen.


3. Presim ne kube te vogla si ne figure kekun ose pandispanjen.


4. Shrojme ne kupen per xup, mbulojme me nje shtrese nga kremi qe formuam, shperndajme mbi te luleshtrydhe dhe fruta pylli


5. Perseritim hapat derisa te na formohen tre shtresa.


6. Shtresa e fundit do te perbehet nga fruta. Sipas deshires, mund te shtroni me nje penel guzhine, xhelatine mbi frutat, me qellim qe ato te kene me teper shkelqim dhe te mos oksidohen lehte.


7. Xupi rruhet ne frigorifer dhe serviret i fresket.

Qumesht milk apo te koncentruar

Ne recetat e mia te gatimit apo recetat per embelsira me permbajtje qumesht milk, si psh trileçe,shpesh  me pyesin se çfare eshte qumeshti milk dhe ku gjendet. Per tu ardhur ne ndihme amvisave po iu sjell kete recete pergatitjeje te tij ne kushtet e shtepise dhe natyrisht ka nje kosto me te ulet sesa ai qe gjendet i gatshem.Perberesit:

• 200gr sheqer


• 150gr qumesht


• 25gr gjalpe


• 1zarf vanilje


• 1luge çaji me niseshte

Pergatitja:

1. vendosim nje tenxhere ne zjarr me gjalpin per tu shkrire.Bashkojme dhe qumeshtin me sheqerin dhe vaniljen duke vazhduar te trazojme derisa te bjeri ne vale.Shtojme niseshten. Per te qene te sigurta qe niseshteja mos behet kokrriza mund ta tretni me pare ne 1 filxhan kafeje me qumesht te ftohte, te hequr menjane qe ne fillim nga sasia e qumeshtit te dhene.


2. leme te zjeje duke trazuar vazhdimisht per 5' derisa te kemi nje mase kremoze te trashe.


3. Leme te ftohet dhe qumeshti milk eshte gati. E hedhim ne nje vazo qelqi per ta konservuar. Mund t'ua servirim femijeve me buke te lyer ne vend te çokokremit ose reçelit ose si thame me lart e perdorim per embelsira te ndryshme.

Ja dhe krahasimi mes qumeshtit milk te gatshem dhe atij te pergatitur me receten tone. Ndryshimi i vetem: kosto e ulet e ketij te dytit ;)