Pas ndeshjes miqësore me Turqinë, e cila pritet të luhet me 21 maj, përfaqësuesja e Kosovës ka gjasa të përballet edhe me Irlandën. Federata e Futbollit të Kosovës (FFK) ka nisur misionin që t’i siguroj përfaqësueses së Kosovës edhe një kundërshtar për muajin maj. Ekipi i Albert Bunjakut me 21 maj pritet të përballet me Kombëtaren e Turqisë.
Mirëpo, pas takimit me përfaqësuesen turke, skuadra kosovar ka gjasa të përballet edhe me Irlandën. Kështu ka thënë kryeministri i Kosovës, Hashim Thaçi në emisionin ‘Debat’ në ‘Klan Kosova’. “Tani do ta kemi ndeshjen tjetër me 21 maj në mes të Reprezentacionit të Kosovës dhe të Turqisë dhe jemi në negociata edhe me Irlandën”, ka deklaruar Thaçi.
“Ndeshja me Turqinë mesa e di unë do të mbahet përsëri në Mitrovicë, ndërsa me Irlandën ende nuk është përcaktuar. Kam qenë i angazhuar personalisht për këtë ndeshje, duke i ndihmuar federatën e futbollit edhe për ndeshjen me Haitin, edhe për Turqinë e Irlandën”, u shpreh kryeministri Thaçi.
Ndërsa, ditë më parë opsion për Kosovën është përmendur edhe përfaqësuesja e Senegalit. Ndërsa, edhe Alain Giresse, selektori i Senegalit,gjatë qëndrimit në Prishtinë ka thënë se është i gatshëm të përballet me përfaqësuesen e Kosovës.
Nessun commento:
Posta un commento