Maskë për flokë nga e kuqja e vesë dhe vaji i ullirit

Vaji i ullirit është nga të rrallët që depërton thellë në qimen e flokëve dhe i bën ato më të forta. Kurse e kuqja e vesë është shumë e pasur me yndyra dhe proteina, të cilat flokët i bëjnë më të shkëlqyera.

Paketimi shtëpiak i vajit të ullirit dhe e kuqja e vesë është reçeta më e popullarizuar për kujes ndaj flokëve në kushte shtëpiake. Ky kombinim nuk është shumë i shtrenjtë, por është shumë i efektshëm dhe e bën flokun dukshëm më të fortë dhe më të bukur. Si të bëni ju vetë këtë tretman për flokë?

Mos e teproni me sasinë e vajit të ullirit. Ju mjaftonë vetëm dy lugë ushqimi. Vajin e ullirit nxeheni (mirëpo keni kujdes që tëmos bëhet shumë i nxehtë, që të mos vlojë). Shtoni të kuqin e vesë dhe përzieni me kujdes me pirun derisa të fitoni një tretësirë me ngjyrë të njejtë.

Shpërndajeni tretësirën në mënyrë të barabartë nëpër flokë dhe nbajeni së paku për dy orë. Pastaj flokët lani normalisht me shampon dhe vendosi regjenerator (shmangni maskat shumë të forta).

Për të përforcuar ndikimin, flokët mbështillni me foli plastike dhe ngrohni për një kohë me tharrëse flokësh. Opcioni i dytë është që mbi folinë plastike të vendosni një peshkir dhe pastaj vetë temperatura e trupit tuaj do të përmirësojë veprimin e maskës, e posaçërisht nëse merreni me ndonjë aktivitet fizik derisa keni në kokë maskën (pastrim me thithëse pluhuri, fshierje të pluhurit, apo edhe fitnes në shtëpi).

Kjo maskë është thjesh është më e duhura dhe njëkohësisht shumë ë popullarizuar – edhe atë pa ndonjë arsy të veçantë. Përparësia është që produkti është tërësisht natyral dhe nuk ka ndonjë konservues apo materie të dëmshme. Nëse ju pengon era e të kuqit të vesë, mund të shtoni sipas dëshirës edhe një sasi të vogël të vajit eterik.

Edhe 4 myslimanë të tjerë arrestohen

Nën masa të rrepta sigurie ka nisur sot seanca gjyqësore ku pritet të bëhet sot vlerësimi i masës së sigurise për 4 nga 8 të arrestuarit, të akuzuar se rekrutonin besimtarë myslimanë me qëllim dërgimin e tyre në konfliktin e Sirisë.

Gjykata e Krimeve të Rënda do t`u komunikojë masën e sigurisë Edmond Ballës, i dyshuar si organizator i këtij rrjeti që siguronte luftëtarë për konliktit në Siri, për Verdi Moravën, biznesmen i cili dyshohet se mbështeste finaciarisht këtë rrjet dhe për Astrit Tolën dhe Orion Reçin.

Ndërkohë dje gjykata i komunikoi akuzat edhe dy imamëve të vetëshpallur Genc Balla dhe Bujar Hasa si dhe për dy besimtarët Fadil Muslimani dhe Zeqir Imeri.
Ndërkohë 6 persona të tjerë janë shpallur në kërkim nga autoritetet shqiptare,të cilët dyshohet se ndodhen në Siri për të luftuar.

Shkelzen Dumani, i cili dyshohet se ka marrë edhe dy fëmijet e tij të mitur në Siri është në kërkim ndërkombëtar. Në kërkim janë edhe Gerti Pashja, Shyqyri Kaca, Alamir Daci, Erion Reci dhe Medi Manellari.
Tre ditë më parë u arrestuan 8 besimtarë myslimanë, mes tyre dhe dy imamë të vetëshpallur xhamish, të cilët akuzohen për terrorizëm.

Operacioni për kapjen e tyre u zhvillua në 4 qytete të vendit,në Tiranë, Elbasan, Pogradec dhe Librazhd.
Sipas Prokurorisë të Krimeve të Rënda të gjithë këta persona akuzohen për veprat penale të “Rekrutimit të personave me qëllim kryerjen e veprimeve terroriste”; të “Nxitjes, thirrjes publike dhe propaganda për kryerjen e veprave penale me qëllime terroriste”, dhe të “Nxitjes së urrejtjes ose e grindjeve ndërmjet kombësive, racave dhe feve”

Thirrje për protestë sot para Kryeministrisë
Ndërkohë mbështetësit e 7 myslimanëve të arrestuar dy ditë më parë, bëjnë thirrje për protestë.
Në një postim në faqen e Facebook-ut “Kundër arestimit të Hoxhës Abdurrahim Balla” u bëhet thirrje të gjithë besimtarëve që të dalin sot pas faljes në protestë para Kryeministrisë.
“Ju bëjmë thirrje gjithë vëllezërve nga Tirana të dalin në shenjë proteste kundër arrestimit të vëllezërve tanë nga policia!” thuhet në njoftim.

Ivica Daçiç: Në Bruksel do diskutojmë për Unionin e Komunave Serbe

Sipas kryeministrit serb në Bruksel në raundin e ri të bisedimeve do të diskutohet për formimin e Unionit të Komunave serbe në Kosovës.

Në Medvegjë sot Daçiç po ashtu ka kundërshtuar FAK, sipas të cilit ato janë formacione në kundërshtim të rezolutës së KS të OKB-së 1244. Ai ka theksuar se në sesionin e ardhshëm të Këshillit të Sigurimit për Kosovën do të bisedojë edhe për ketë çështje.

“Pas krijimit të këtyre forcave në Kosovë, sigurisht tani ka reagime, që duhet edhe në Veri të Kosovës krijimin e forcave të armatosur, por këto tema janë që i duhet diskutuar ,” tha Daçiç, transmeton agjencia e lajmeve “Presheva jonë”.

Kryeministri serb Ivica Daçiç sot ka qëndruar në Luginën e Preshevës për të marrë pjesë në hapjen e një fabrike në Medvegjë. Në këtë ceremoni të inagurimit të fabrikë morën pjesë edhe ambasadori i Zvicrës në Serbi, Jean-Daniel Ruch, pastaj ai nga Sllovenia Franc Bu si dhe ambasadori i Bashkimit Evropian në Serbi, Majkëll Davenport.

Kryeministri Daçiç, gjatë qëndrimit në Medvegjë është takuar edhe me kryetarin e komunës Sllobodan Drashkoviç.

Edhe pse kryeministri serb Daçiç në Medvegjë u gjend për të inaguruar një fabrikë të re ai nuk mund të mos përmendte shqiptarët e Luginës së Preshevës tri ditë para zgjedhjeve parlamentare në Serbi.

Daçiq me ketë rast tha se “Lugina e Preshevës si pjesë e Serbisë po ballafaqohet viteve te fundit me papunësi dhe kriza ekonomike. Është me rëndësi të madhe që fabrika u hap në mjedis etnikisht të përzier”.

Po ashtu Daçiç nuk ka mundur t’i shmanget fenomenit të zbrazjes së Luginës së Preshevës, sidomos të Medvegjës.

“Dekadave të e fundit, njerëzit shpërngulen me të madhe nga Medvegja…” ka pohuar Daçiç duke mos hyrë ne detaje se kush po shpërngulet më shumë dhe për çfarë arsye, ku sipas statistikave të organizatave ndërkombëtare shumica e të larguarve janë shqiptarë etnik të kësaj zone që dikur ishin shumicë./shqiptarja/

Mirjeta Behluli sekretarja e MPJ-së e gradon veten

Ministri i Punëve të Jashtme i Kosovës, Enver Hoxhaj, e ka në tavolinën e tij të punës një dosje me emrat e disa zyrtarëve të MPJ’së që para pak ditësh janë propozuar dhe vlerësuar për gradim, në mënyrë që ta vazhdojnë karrierën e tyre diplomatike nëpër misionet diplomatike të Kosovës.

Ministri ende nuk u ka dhënë atyre dritën jeshile pasi ka afat një muaj të mendojë për këtë gjë. Në fakt, disa prej emrave, deri para pak kohësh kanë qenë pjesë e stafit politik të kryediplomatit Hoxhaj. Megjithëkëtë, kjo nuk përbënë ndonjë shkelje të ligjeve, por shkelje po konsiderohet puna që ka bërë Komisioni për Gradime në Ministrinë e Jashtme që i ka bërë vlerësimet, raporton gazeta Tribuna.

Kjo pasi udhëheqës i komisionit ka qenë zyrtarja më e lartë e stafit civil në MPJ, u.d sekretarja Mirjeta Behluli, e cila në të njëjtën kohë ka qenë edhe subjekt i gradimit. Behluli e cila më 14 shkurt të këtij viti u bë e njohur për gjithë publikun përmes një postimi privat në Facebook nga Parisi gjatë kohës sa ishte atje zyrtarisht, si duket ia ka mësyrë Evropës për të shërbyer në një mision diplomatik që do t’i caktojë shefi i deritashëm i saj, ministri Hoxhaj.

Sergei Lavrov bisedojnë sot në Londër

Sekretari Amerikan i Shtetit John Kerry dhe ministri i Jashtëm rus Sergei Lavrov, pritet që sot të takohen në Londër për të biseduar rreth tejkalimit të krizës në Ukrainë.

Sekretari amerikan ka paralajmëruar një ditë më heret, se Shtetet e Bashkuara dhe Evropa, do të ndërmarrin hapa shumë serioz në qoftë se mbahet referendumi ashtu siq është planifikuar, referendum gjatë të cilit banorët e gadishullit Krimeja do të pyeten nëse duan bashkim me Rusinë.

Një ditë më parë edhe kancelarja gjermane Angela Merkel paralajmëroi për një ”katastrofë” në qoftë se Rusia nuk e ndryshon qëndrimin.

U.d. i kryeministrit të Ukrainës tha ditë më parë në Këshillin e Sigurimit të OKB-së se prania ushtarake e Rusisë në Krime të Ukrainës po e dëmton sigurinë globale.

Foshnja me dy kokë

Një nënë indiane, e cila ishte aq e varfër sa nuk realizoi kurrë një eko gjatë shtatzanisë së saj lindi të enjten një foshnje me dy kokë. 

28-vjeçarja Urmila Sharma lindi binjaket siameze në një spital në Haryana, në Indinë Veriore.

Krijesa e deformuar ka dy kokë, dy qafë dhe dy shtylla kurrizore, por vetëm një trup dhe vetëm nga një organ tjetër jetësor, ndaj realizimi i ndarjes së binjakëve është i pamundur.

E lindur vajzë, foshnja ende pa emër po mbahet nën mbikqyrje të rreptë nga njësia e kujdesit të të porsalindurve në spital, por mjekët paralajmërojnë se për shkak të mbingarkesës që vendos kjo strukturë organet teke jetësore të foshnjes, ka pak gjasa që ajo të mbijetojë më shumë se disa javë.

“Prindërit janë të dëshpëruar dhe ne po përpiqemi t’i ndihmojmë sa më shumë që mundemi”, deklaroi Shikha Malik, një prej doktoreshave të spitalit.

Urmila dhe bashkëshorti i saj 32-vjeçar, Subhash kanë edhe një vajzë tjetër, por ata janë aq të varfër sa e kishin të pamundur të pamundur të paguanin për një eko, ndaj deformimi mbeti i pakonstatuar deri në momentin e lindjes me operacion që nëna realizoi.

Shoqëritë e sigurimeve,Certifikata e kontrollit teknik e makines nuk jepet pa paguar TPL

Ministria e Transportit dhe Infrastrukturës nenshkroi dje një marrëveshje me Ministrinë e Punëve të Brendshme (MPB), Byronë Shqiptare të Sigurimit (BSHS) si edhe me institucione të tjera përmes së cilës synohet që siguracioni i detyrueshëm i mjeteve motorike të jetë kushti, që zotëruesit e tyre të kryejnë kontrollin teknik.

“Dëshiroj të shpreh vlerësimin time për arritjen e kësaj marrëveshje sot, është një marrëveshje shumë e rëndësishme, shumë dimensionale. Së pari kontribon drejtëpërdrejtë në investimet që i duhen sistemit dhe institucioneve që meren me zbatimin e ligjit, me rritjen e treguesve të standarteve të qarkullimit në rrugët tona për të shpëtuar jetë njerëzish.

Trendi është pozitiv, të dhënat janë të sakta dhe tregojnë që ne po shkojmë drejt realizimit të atyre objektivave që ne planifikuam në programin tonë qeverisës që në fillim të tij për reduktimin me 20% të aksidenteve fatale në rrugë që në vitin e parë të qeverisjes.Së dyti shtron shumë qartë dimensionin e angazhimit të gjithë faktoreve të rëndësishëm në gjithë këtë përpjekje, që e kemi quajtur kombëtare pasi të gjithë institucionet së bashku mund të kenë një efektshmëri më të madhe në realizimin e objektivave që mbeten shpëtimi i jetës së njerëzve.” u shpreh Haxhinasto.

Nëpërmjet kësaj marrëveshje do të realizohet sigurimi i të gjithë përdoruesve të automjeteve, përpara regjistrimit të automjeteve në sistemin tonë nëpër drejtoritë e shërbimeve të transportit.

Një pikë tjetër e rëndësishme të kësaj marrëveshje janë ndarja e gjobave, për mjetet që nuk kanë siguracionin e detyrueshëm të mjeteve motorike, midis MPB-së dhe BSHS-së. Ndër të tjera, është rënë dakord, që shoqëritë e sigurimeve të vënë në dispozicion një shumë prej 3% të xhiros vjetore, e cila do të përdoret për sigurinë rrugore.

Hashim Thaçi injoron Agim Bahtiri

Kryeministri i Kosovës, Hashim Thaçi, edhe njëherë ka dëshmuar se nuk e ka ndër mend ta takojë kryetarin e Mitrovicës, Agim Bahtiri, sa herë që ai shkon në këtë qytet.

E njëjta gjë ka ndodhur edhe të mërkurën, kur shefi i qeverisë as nuk e kishte njoftuar e as nuk e kishte ftuar kryetarin e Mitrovicës që ta shoqërojë atë dhe ministrin e Zhvillimit Ekonomik, Fadil Ismajli, gjatë vizitës në minierën e Stan Tërgut.

Por, kryetarin Bahtiri e takojnë bashkëpartiakët e tij, sa herë që ai ka nevojë për ta. Zëvendëskryeministri i parë i Kosovës, Behgjet Pacolli, dy ditë më parë ka marrë pjesë në hapjen e një gjellëtoreje humanitare në Mitrovicë, ndërsa bashkë me Bahtirin, muajin e kaluar kishte shkuar edhe në minierën e “Trepçës”.

E për të mos u ndjerë i anashkaluar nga qeveria dhe Thaçi, e më tepër për ta ndjerë frymën e përkrahjes së partisë së tij, AKR, kryetarin e Mitrovicës e ka takuar bashkëpartiaku i tij, ministri i Zhvillimit Ekonomik, Fadil Ismajli. Ata kanë folur për projekte konkrete që priten të realizohen në Mitrovicë, para së gjithash krijimi i zonës së lirë ekonomike, ku investitorëve të huaj do t’u krijohen kushte të favorshme për investime.

“Do ta kenë mbështetjen e plotë të ministrisë që e udhëheq unë për të gjitha projektet. Zona e lirë është me rëndësi të veçantë. Pasi të kryhen procedurat ligjore, që shpresoj të mos zgjasin shumë, kjo zonë do t’u ofrojë lehtësira të gjithë investitorëve potencialë”, ka kurajuar Bahtirin ministri Ismajli.

Ndonëse Bahtiri dinte në detaje për inicimin e procedurave për ndryshimin e Ligjit për Ndërmarrjet Publike, ministri Ismajli ka përsëritur se me këtë ligj ndërmarrja “Trepça” i kthehet qeverisë për menaxhim. “Me ndryshimin e ligjit, ndërmarrja ‘Trepça’ do t’i kthehet Qeverisë së Kosovës për menaxhim, pasi që vlerësojmë se në këtë mënyrë qeveria do të merr vendime konkrete sa i përket këtij gjiganti metalurgjik dhe kjo do të jetë shumë e dobishme, jo vetëm për zhvillimin e Mitrovicës, por edhe të Kosovës”, ka thënë ministri Ismajli.

Në anën tjetër, i pari i Mitrovicës, i shprehu mirënjohje bashkëpartiakut të tij për përkrahje. Ai tha se përkrahja është e domosdoshme për realizimin e projekteve zhvillimore në komunën e Mitrovicës. “Dëshiroj t’iu them se jam duke punuar pa ndalur, që së pari ligji të respektohet në përpikëri, e pastaj të gjitha projektet që janë të rëndësishme për zhvillimin e Mitrovicës të realizohen”, theksoi kryetari Bahtiri, i cili e vlerësoi si shumë të rëndësishme dhe të domosdoshme bashkëpunim me MZHE-në për realizimin projekteve.

Siri: 146,065 të vrarë, prej tyre 7,796 fëmijë

Gjatë tre viteve të luftës civile në Siri, numri i të vrarëve arrinë në mbi 146 mijë – ku 7, 796 prej tyre janë fëmijë

Raporti nga “Observatory” një grup anti qeveritar i cili monitoron situatën e dhunshme në tërë Sirinë, ofroi një grup të dhënash të reja për sa i përket rezultatit të përgjithshëm për luftën në këtë vend.

Që kur Organizata e kombeve të bashkuara doli me një numër prej 100,000 të vrarëve, në korrik të 2013 – thuhet se numri të ketë ndryshuar dukshëm.

Mirëpo, kjo pamje ka ndryshuar. Si duket kjo Organizatë, duke mos i besuar edhe aq burimeve të “Observatory”, tha që do të ndërpres marrjen e informatave – duke u fokusuar më shumë në nxjerrjen e të dhënave nga burime të ndryshme brenda Sirisë.

Ndërsa, një punojnës për “Observatory” – i cili është nga Britania e Madhe, thotë që të dhënat e fundit flasin për një numër prej 146,065 civil të vrarë, ku 7,796 prej tyre janë fëmijë.

UNICEF-i thotë me anë të një raporti se vetë gjatë këtij muaji 1.2 milion fëmijë kanë dalë nga Siria. Gjithashtu, kjo organizatë thekson që janë rreth 5.4 milion fëmijë sirian, brenda e jashtë vendit, të cilët kanë nevoj humanitare.BS

Fatmir Limaj e Jakup Krasniqi zyrtarizuan partinë e re

Dy protagonistët e ish- PDK-së, Fatmir Limaj e Jakup Krasniqi sot në Prishtinë promovuan subjektin e tyre politik të pagëzuar Nisma për Kosovën.

Skenës politike kosovare i’u shtua edhe një parti politike. Dy protagonistët e Partisë Demokratike të Kosovës, Fatmir Limaj e Jakup Krasniqi sot në Prishtinë promovuan subjektin e tyre politik të pagëzuar Nisma për Kosovën.

Siç raporton korrespondenti i agjencisë së lajmeve INA, partia e Limajt u pritë me një entuziazëm të madh për faktin se “Salla e Kuqe” e Pallatit të Rinisë ishte stërmbushur me simpatizantë dhe anëtarë të ardhshëm të këtij subjekti politik.

Kryetari i kësaj partie, Fatmir Limaj, në fjalimin e tij në konferencën promovuese deklaroi se, Nisma e tij do të jetë udhërrëfyese se si duhet të bëhet ndryshimi në Kosovë.

“Kudo që kemi shkuar na kanë pyetur se kur po ia nisni. E sot po themi se po ia nisim. Nga sot Kosova ka nismë të re dhe alternativë të re politike. Sot nuk është thjeshte krijimi i një partie politike më tepër, por është dëshmi se po ndodh ndryshimi. Po na bashkon vizioni, guximi për të ndryshuar dhe shpresa për të vazhduar. Është mëkat të bësh politikë pa parime. Nisma do të ketë parime të bazuara në lidership ekipor e në profesionalizëm”, deklaroi Lima.

Me këtë rast Limaj i ka ftuar qytetarët që t’i bashkohen subjektit të ri politik për ta ndryshuar të nesërmen tone.

Sipas tij Nisma synon të ndërtoj një shtet ligjor, i cili kujdeset për qytetarët.

Në fjalën e tij para të pranishmëve, Jakup Krasniqi deklaroi se subjekti i ri politik synon për ta përmbyllur konsolidimin e shtetit të së drejtës.

“Sot betohem se cilido nga ne që merr guximin ta lëshoj rrugën që po e parakalojmë para jush do të jem i pari që do t’i kundërvihem dhe pa asnjë hezitim. I ftojmë qytetarët të na bashkohen që ta bëjmë Kosovën shtet ligjor”, theksoi Krasniqi.

Krasniqi më tutje ka thënë se ne do të mbështesim çdo nismë për të pamundësuar vjedhjen e votave. Autoritarizmi e tirania e kanë ngufatur aspiratën për funksionimin e shtetit. Privilegjet individuale të disa personave kanë dëmtuar shumë Kosovën dhe kanë nxitur emigrimin e qytetarëve.

“Nisma do të angazhohet për kthimin e qytetarëve në Kosovë. Nisma për Kosovë do të gjejë forma të reja të bashkëpunimit me vendet e rajonit, sidomos me shtetin amë dhe do të angazhohet për krijimin e tregut të përbashkët. Nisma jonë kërkon bashkimin e qytetarëve për të bërë ndryshime që i duhen vendit tonë”, tha Krasniqi

Limaj e Krasniqi kanë qenë themelues të Partisë Demokratike të Kosovës si dhe bashkëpunëtor të afërt të kryeministrit të Kosovës Hashim Thaçi. Ata njihen në opinion si dy personalitetet më të votuara në parti, pas kryeministrit Thaçi.

Hekuri, rëndësia dhe mungesa e tij

Hekuri është pjesë mjaft e rëndësishme e ushqimit, pasi që merr pjesë në përbërjen e hemoglobinës dhe ka rol në lidhjen dhe përcjelljen e oksigjenit nga mushkëritë në gjak.

Në indet dhe organet e njeriut, hekuri lidhet me proteina të ndryshme, siç janë kromoproteinat, flavoproteinat dhe grupi i tretë ku bëjnë pjesë transferina dhe feritina. Hekuri merr pjesë edhe në sintezën e ADN-së, në metabolizmin e katekolaminave dhe shërben si përcjellës i elektroneve në mitokondrie.

Në organizmin e njerëzve të rritur gjenden prej 3 deri në 5 mg hekur. Pjesa më e madhe gjendet në hemoglobinë dhe mioglobinë. Pjesa e tepërt e hekurit në organizëm gjendet si rezervë në formë të feritinës dhe hemosiderinës në mëlçi, shpretkë dhe palcën kockore.

Feritina ka mjaft role në organizëm: pengon grumbullimin e hekurit të lirë; ruan hekurin për sintezën e hemoglobinës dhe ka rol në përthithjen e hekurit nga zorra. Feritina është masë më e mirë për të matur edhe sasinë e hekurit në organizëm.

Burimet natyrore të hekurit
Përmes ushqimit në organizëm futen rreth 10 deri në 30 miligramë hekur në ditë. Burimet më të pasura të hekurit janë këto: mishi, mëlçia, vezët, mishi i pulës, peshku, soja, tërshërë, kungull, bizelja, fiku, etj. Personat e shëndoshë, pa simptoma të mungesës, absorbojnë nga 0.5 deri në 1 mg hekur, ose 5-10%. Tek personat të cilët kanë mungesë të hekurit në orgazmën, absorbohet rreth 30% e hekurit nga ushqimi.

Mungesa e hekurit
Mungesa e hekurit në organizëm mund të jetë si pasojë e rritjes së shtuar të tij (gjakderdhjet kronike, të vogla nga trakti tretës, ulcera, herniet, tumoret e traktit digjestiv, gjakderdhjet menstruale), absorbimi i dobët, rritja e nevojave për hekur (puberteti, shtatzënia) dhe mosmarrja e mjaftueshme me anë të ushqimit.

Shenjat tek njerëzit të cilët kanë mungesë të hekurit shfaqen ngadalë, mundimet fillojnë gjatë ngarkesave, paraqitet mundim, plogështi, frymëmarrje e vështirësuar, rrahje e zemrës, kokëdhembje, përtypje e vështirësuar. Në dukje të parë vërehet një zverdhje e lëkurës dhe mukozës, flokët janë të thata, të thyeshme dhe lehtë bien.

Po thuajse secili person që ka mungesë të hekurit, ka mungesë edhe të vitaminës A, që mund ta përkeqësojë gjendjen anemike.

Shërimi

Shërimi nga pasojat e mungesës së hekurit qëndron në marrjen e preparateve perorale të hekurit ose përmes injeksioneve. Në format e rënda duhet të bëhet edhe transfuzioni i eritrociteve të koncentruara. Sigurisht, më i mirë është shërimi i shkaktarit të anemisë.

Marrja e tepërt
Preparatet e hekurit tek disa njerëz mund të shkaktojnë dhimbje në bark, mundime, vjellje, diarre dhe kapsllëk. Efektet e padëshirueshme në traktin digjestiv mund të zvogëlohen nëse pacienti në fillim të terapisë merr sasi më të vogla të hekurit. Shërimi me sasi të vogla të hekurit duhet të zgjatë së paku 3 deri në 6 muaj. Arsyeja është se duhet të mbushen edhe rezervat e hekurit në organizëm.

Tek personat shumë të ndjeshëm, preferohet marrja e preparateve që përmbajnë hekur së bashku me ushqimin, ose pas ushqimit./telegrafi/