Rolè me arra dhe krem kafe

Receta e kesaj embelsire eshte relativisht e thjesht per tu realizuar dhe rezultati do te jete teper i shijshem e skenografik. Mund te sherbeje per te mbyllur per shembull menúne e nje darke mes miqsh apo festive.

Perberesit per nje rolè

…per pandispanjen

• 100gr miell
• 100gr arra te qeruara dhe te reduktuara ne miell me ndihmen e mikserit
• 100gr sheqer te bardhe
• 4 veze
• 1 luge te vogel plot pluhur pjekes
• pak vanilje
• 30gr vaj ulliri ose gjalp te shkrire ne mikrovale
• pak rum per sperkatje (eleminojeni nese ja servirni femijeve)

…per kremin me kafe

• 250ml krem pana per embelsira te sheqerosur
• 1 luge te vogel kafe e tretshme ne uje
• disa arra te qeruara ne copat e vogla

…per ta mbuluar

• sheqer pluhur

Pregatisim pandispanjen duke ndare si fillim te bardhat nga te verdhat e vezeve ne dy ene te veçanta. Me ndihmen e nje mikseri elektrik, rrahim te verdhat e vezeve me sheqerin derisa te perftojme nje perberje kremoze dhe me ngjyre te hapur. Shtojme arrat e reduktuara ne pluhur, miellin e situr, pluhurin pjekes, vaniljen dhe vajin e ullirit duke i perziere shume mire.
Ne enen tjeter rrahim te bardhat e vezeve me pak kripe derisa te perftojme nje mase qe nuk bie nga ena. Ja shtojme kete perberjes me te verdhe veze duke e perziere me
kujdes nga poshte lart. Ne kete menyre kemi perftuar brumin e pandispanjes se rolèse. E hedhim brumin ne nje tave me permasa rreth 20×30 te shtruar me leter furre, e nivelojme mire dhe e pjekim ne furre te parangrohur ne 200°C per 5-7 minuta, apo derisa pandispanja te marre ngjyre te arte ne siperfaqe.
Lyejme me sheqer pluhur nje pecete te paster te lagur me uje e te shtrydhur shume fort dhe vendosim mbi te pandispanjen duke i dhene formen e rolèse (e rrotullojme gjithmone nga ana me e shkurter). E leme te ftohet nderkohe qe pregatisim kremin.
Shkrijme ne pak uje te vaket kafen e tretshme. Rrahim me ndihmen e nje mikseri elektrik panen per embelsira dhe shtojme dalengadale kafen duke vazhduar rrahjen.
Bejme pregatitjen perfundimtare te rolèse: marrim pandispanjen, e çrrotullojme dhe e lagim me pak rum, ose pak arome rumi te tretur ne uje. Per ata qe nuk e preferojne kete arome, mund ta lagin pandispanjen me pak kafe te tretur ne uje/qumesht duke i shtuar ose jo sheqer (sipas deshires). E lyejme me kremin e pregatitur duke e niveluar mire ne te gjithe siperfaqen, shtojme disa arra ne copeza te vogla dhe e rrotullojme serisht me shume kujdes duke e vendosur ne pjatancen ku do ta sherbejme.E sperkasim me pak sheqer pluhur, dhe ne momentin qe do ta sherbejme e presim bukur ne feta.

Shkarkohet Kryeziu me tërë Kryesinë e LDK-së në Prizren

Lideri i LDK-së, Isa Mustafa, ka takuar sot Kryesinë e Degës së LDK-së në Prizren, prej të cilëve ka marrë mendimet për zhvillimet politike në këtë Degë.

Pas përplasjeve të shumta dhe akuzave e kundër akuzave në mes kryetarit të degës, Eqrem Kryeziut me disa nga anëtarët e kryesisë, është marrë vendim që të shkarkohet Kryeziu dhe tërë kryesia e degës. Aktivitetin e degës, deri në zgjedhjet e rregullta në parti, do ta koordinojë Hanefi Muharremi, i cili do të bashkëpunojë me këshillin koordinues nga Kryesia Qendrore.

Në fakt pas humbjes së Eqrem Kryeziut në garën për kryetar të Prizrenit, Brenda Degës së LDK-së u zgjua një revolt e brendshme kundër Eqrem Kryeziut duke e akuzuar atë si fajtor kryesor për këtë humbje.

Aktivistë të kësaj dege, ndër më të zëshmit Aziz Hodaj e deputeti Xhavit Ukaj kanë iniciuar mbledhjen e nënshkrimeve të delegatëve të Degës në Prizren për të thirrur një Kuvend të jashtëzakonshëm të Degës për ndryshime në kreun e partisë në këtë qytet.

Takimi mbajtur në ora 16 në selinë e LDK-së në Prishtinë, është përshkuar nga një debat i nxehtë e herë herë edhe me tensione të larta.

Burime të gazetës “Botaprres” bëjnë të ditur se një “dialog” I ashpër është zhvilluar sidomos në mes të Eqrem Kryeziut e Aziz Hodajt.

Kryeziu për më shumë se 15 minuta në fjalën e tij e ka akuzuar Hodajn për përpjekje “puçiste” brenda Degës së LDK-së si dhe për takime të fshehta me njerëz të PDK-së, Nijazi Kryeziun e Kadri Veselin.

Hodaj e ka përgënjeshtruar Eqrem Kryeziun por e ka bërë përgjegjës kryesor për humbjen në Prizren.

Pas gjithë këtij debati, palët janë pajtuar që të formohet një këshill koordinues nga Kryesia Qendrore në përbërje prej Haki Rugovës, Naser Osmanit e Anton Çunit.
Gjithashtu në këtë takim është caktuar Hanefi Muharremi për koordinator të aktivitetit me këshillin koordinues deri në zgjedhjen e një ekipi ekzekutiv të Degës deri në mbajtjen e Kuvendit të rregullt zgjedhor, që parashihet të mbahet në kohën e rregullt të mbajtjes së kuvendeve zgjedhore të LDK-së.

Ky ekip ekzekutiv pritet të zgjidhet në një afat kohor prej dy javësh.

“Praktikisht Eqrem Kryeziu nuk është më kryetar i Degës së LDK-së, ndërkaq e gjithë kryesia e Degës është e shkarkuar”, ka bërë të ditur burimi brenda takimit. /Botapress/

Fjali që tërheqin vëmendjen e tij

Në rutinën e përditshme, përkundër të gjitha obligimeve jetësore, shpeshherë pa dashur hyn edhe raporti me partnerin. Ju duhet ta freskoni lidhjen tuaj, pa harruar disa imtësi që do ta bëjnë diferencën në lidhjen tuaj.

Kemi zgjedhur 8 fjali që e bëjnë diferencën dhe e fitojnë kujdesin e partnerit tuaj sa herë që mendoni se jeni larguar nga njëri-tjetri.

1. Bëjeni me dije se jeni krenarë me të

Meshkujve ju pëlqen që të ndjeheni krenarë me ta, por këtë nuk e thonë drejtpërdrejt. Bëjani me dije se krenoheni me arritjet e tija profesionale dhe me mbështetjen që ua jep në jetë.

Thuajeni këtë pasi të kthehet në shtëpi pas një dite të lodhshme që ka pasur në punë, që ta kuptojë se jeni e vetëdijshme për mundin që e jep dhe se ju intereson secili detaj I jetës së tij.

2. Përkujtojeni në një natë të cmendur në dhomën e gjumit

Kjo është një deklaratë e bukur që do ta përmirësojë raportin tuaj dhe do t’I japë freski përkundër detyrave të përditshmërisë. Seksi është një akt tejet I rëndësishëm në martesë, mbase është edhe e para gjë që ju bie ndërmend.

Përkujtojeni në lojërat e zjarrta në shtrat, kjo I bën mirë lidhjes suaj. Gjithashtu, bëjani me dije se do të duhet të reprizohet sa më parë që të jetë e mundur.

3.Një mirënjohje e thjeshtë mund të bëjë cudira

Një mirënjohje e thjeshtë mund t’I japë kuptim dhe ta zbukurojë ditën tuaj.

Flisni së bashkë për njerëzit dhe ngjarjet dhe shprehini mirënjohje për ndonjë gjë që ka bërë për ju.

Bëjeni këtë edhe për gjera të vogla, në dukje të parëndësishme, qoftë edhe për dicka të thjeshtë që ju ka bërë të qeshni.

4. Befasojeni me ftesë për pije a darkë

Befasojeni me ndonjë dalje të paplanifikuar, qoftë për darkë apo për një gotë verë në një ambient intim në një local të dashur për ju. Kjo mund të jetë mjaft seksi. Ky spontanitet do t’ia rikujtojë se ju përvec obligimeve I ndani edhe kënaqësitë dhe argëtimet.

5. Dëshmojani se nuk jeni xheloze

Nëse vëreni që ndonjë femër në lokal përpiqet ta provokojë partnerin tuaj, bëjani mme dije se po e hetoni këtë gjë dhe se jeni e lumtur që ai është burri juaj. Kjo nuk e kërcënon martesën tuaj. Përkundrazi, kjo ia rrit vetëbesimin partnerit tuaj dhe ia shpreh atij kënaqësinë që keni ju në këtë lidhje dhe se aspak nuk jeni xheloze.

 6. Lëvdojeni zgjedhjen që ka bërë për dhuratë

Zakonisht meshkujt nuk janë shumë të sigurt kur u blejnë dhurata bashkëshorteve të tyre. Kështu që nëse ai ju ka marrë dicka që vërtetë ju ka gëzuar, bëjani me dije këtë gjë. I thoni se sa shumë komplimente ka marrë ajo dhuratë në mesin e miqve tuaj të punës apo gjetiu. Kështu ju do ta shpërbleni përzgjedhjen e tij dhe do të krijoni mundësi që në të ardhmen të merrni edhe ndonjë tjetër të ngjashme. Meshkujt e kanë shumë me rëndësi të ndjehen të respektuar.

7. Falini kujdes e ndjeshmëri dhe të njëjtën priteni edhe prej tij

Pavarësisht se mund të jeni person I fuqishëm që I kryeni vetë obligimet, prapë se prapë keni nevojë që dikush t’ju kushtojë kujdes dhe ndjeshmëri. Po këtë nevojë e kanë edhe meshkujt, prandaj I thoni atij se duhet të pushojë më shumë, se duhet të shkojë të flejë apo thjeshtë bëjini një masazhë.

Falini pak ndjeshmëri dhe do të shihni se kjo do t’ju rikthehet.

8. Argëtimet e ripërtrijnë lidhjen

Argëtimet e freskojnë lidhjen në raste ftohjesh. Për shembull shikimi I ndonjë filmi, pjesëmarrja në ndonjë ditëlindje miqsh, përgjigjja ndaj ftesës së ndonjë fqinji për pije e për këngë deri në orët e vona mund ta freskojnë lidhjen tuaj edhe më shumë. Rezultatet e këtyre argëtimeve shihen shpejt.

Skuadra e Pejës i jep leksione Trepçës

Skuës e ka deklasuar skuadrën e Trepçës sonte në palestrën ‘Karagaçi’, duke e mposhtur atë me rezultat bindës, 85-65.

Shqiponjat e grumbulluar në një numër të konsiderueshëm u përkujdesen që të dhurojnë një atmosferë të nxehtë, siç edhe i ka hije një derbi të këtillë.

Shqiponjat e grumbulluar në një numër të konsiderueshëm u përkujdesen që të dhurojnë një atmosferë të nxehtë, siç edhe i ka hije një derbi të këtillë.

Ashtu siç edhe pritej, Peja e nisi më mirë takimin dhe krijoi një epërsi solide të cilën e barti në të dy çerekët. Në parket diferencën e bënin vendasit me ndihmën e Samir Shaptahut që i shënoi 14 pikë në pjesën e parë, teksa mysafirët e ndiqnin rezultatin me kundërsulmet e shpejta të Alvaro Calvos, i cili poashtu shënoi 14 pikë gjatë pjesë së parë. Sidoqoftë, verdhezinjtë shkuan në pushim me 15 pikë epërsi, 42-27.

Me të filluar pjesa e dytë, mysafirët treguan një lojë më intensive dhe filluan të bëjnë presion në pejanët të cilët ndoshta ishin bërë paksa ‘komfort’ në rezultat. Kjo gjë rezultoi pozitivisht te mitrovicasit të cilët në përfundim të çerekut të tretë, arritën ta ngushtojnë për pesë pikë disavantazhin, 59-49.

Këtë ritëm Trepça e vazhdoi edhe në çerekun e katërt dhe arritën ta ngushtojnë rezultatin në vetëm 6 pikë diferencë, mirëpo shumë shpejtë vendasit u kthyen në lojë dhe me aksione të shpejta e ngritën përsëri epërsinë, duke i lënë kështu pa shpresë mysafirët.

Deri në fund të takimit pejanët marshuan drejt fitores me hapa të sigurt, pasi që mitrovicasit u lodhën dhe nuk mund t’i bënin ballë më sulmeve të tyre. Ndeshja përfundoi me rezultat, 85-65.

Me këtë fitore Peja merr kreun e tabelës me 31 pikë, dy më shumë se Sigal Prishtina e cila nesër i shkon Bashkimit në Sezai Surroi.

Laurent Blanc : Prisja më shumë nga PSG

“Teksa përgatiteshim u kam thënë lojtarëve që ta harronin rezultatin e takimit të parë. Bëhet fjalë për kompeticionin e Champions League dhe këtu duhet të tregojmë gjithmonë imazhin tonë më të mirë. Nuk dua të bëhem grindavec, por realisht prisja nivel më të lartë nga skuadra ime”.

Në vijim tekniku francez deklaroi se parizienët nuk mund ta konsiderojnë kualifikimin në çerekfinale si një bonus sepse për të ecur përpara duhet derdhur më shumë djersë.

“Tani fillon puna më e vështirë. Kemi patur një sezon të mirë, por në fund fare ajo që vlen më shumë është të kesh fituar trofe në kampionat, Kupën e Ligës, si dhe të shkosh sa më larg në Champions. Do ta presim me ankth shortin që do të hidhet të Premten e ardhshme sepse ky është një moment shumë i rëndësishëm i Championsit”.

Shpërthen makina Fushë-Krujë

Sërish shpërthim me tritol. Një tjetër automjet ka shpërthyer para disa minutash në Fushë-Krujë. Mësohet se shpërthimi ka ndodhur në lagjen “Punëtori” të qytetit të Fushë-Krujës.

Nga informacionet e para nuk raportohen të lënduar, ndërkohë që policia ka mbërritur në vendngjarje. Paraprakisht dyshohet se automjetit, tip “Fiat” i është vënë lëndë plasëse, pasi shpërthimi ka qenë i fuqishëm.

Mësohet se automjeti, me targë AA052FD është në pronësi të shtetases Mimoza Isufi, 42-vjeçe dhe ka qenë i parkuar poshtë pallatit të 42-vjeçares në momentin e shpërthimit.

Si te shërojmë cistat e vezorëve

Cistat e vezorëve janë sëmundjet më të shpeshta të organeve të reprodukimit te femrat. Mësoni se c’janë cistat dhe se si duhet shëruar ato.

Cistat janë struktura që ngjajnë me flluska, e më së shpeshti gjenden në vezorë. Cistat funksionale kryesisht janë të mbushura me lëng dhe të mbështjella me një tis të hollë. Nëse janë të mbushura me material të fortë, atëherë janë kancerogjene e në të kundërtën janë beninje. Më së shpeshti ato shfaqen në kohën e reprodukimit sesa në menopauzë.

Në të shumtën e rasteve cistat nuk janë malinje dhe shpërthejnë vetvetiu pas disa javësh a muajsh, por pavarësisht nga kjo nuk duhet shpërfillur shfaqja e tyre, sidomos kur janë të mëdha she kur shkatojnë dhimbje.

Shkaqet e shfaqjes së tyre

Një strukturë në formë ciste formohet në vezorë gjatë ovulimit. Kur folikula rritet më shumë nga normalja, quhet cistë folikulare. Nga ana tjetër cistat funksionale krijohen në gjysmën e parë të ciklit menstrual.

Lloji I tretë quhet corpus luteum dhe zakonisht krijohet në gjysmën e dytë të ciklit, nuk shkakton asnjëlloj simptomi dhe zakonisht zhvillohet vetëm në njërën vezore.

Format më serioze të cistave janë: dermoide, endometriode, cistadenome… Cistat dermoide përbëhen nga inde në rritje, të cilat mund të përmbajnë qeliza dhjamore dhe janë më të shpeshta te femrat e reja.

Arsye më e shpeshtë e krijimit të cistave është rëndesa e caktuar hormonale, e cila shkakton sindromin e vezoreve policistine, të cilat karakterizohen me praninë e cistave të vogla në të dyja vezoret. Besohet se stresi dhe problemet me lukthin janë arsyet kryesore për krijimin e këtyre simptomeve, ndërsa nga ana tjetër mendohet se marrja e pilulave contraceptive e ul këtë rrezik, pasi në këtë mënyrë pengohet ovulimi.

Ilaçe natyrale për cistat

Bimët si luleradhiqet, tërfili I kuq janë ilacet më të mira natyrale për cistat në vezore. Ana negative është se për shërimin me bimë nevojiten së paku gjashtë javë. Provoni me caje apo me pika të tjera me këtë bazë.

Vaji i rucinusit është tepër I dobishëm për shpërthimin e cistave, por duhet të kujdeseni që të mos e pinë gjatë shtatzënisë apo gjatë ciklit menstrual, e as në raste cistash kancerogjene. Përvec bimëve në këtë shërim ndikon edhe joga dhe terapite aromatike, të cilat ndihmojnë rikthimin e hormoneve në baraspeshë dhe zbutjen e dhimbjeve.

Nëse ndjeni dhimbje në zonën e vezorëve nund të ndihmojë edhe masazha e lehtë e abdomenit me vajra ererike nga jasemini apo bajamet. Gjithashtu dhimbjet mund t’i ndihmojë edhe një banjë e nxehtë.

Dieta për pastrimin e vezoreve

Sikurse në shumë sëmundje të tjera, edhe në rast cistash, ushqimi I shëndetshëm mund të ndihmojë mjaft. Është shumë me rëndësi që të konsumoni vitamina E dhe A, të cilat janë shumë të dobishme për baraspeshën hormonale. Ushqimi duhet të jetë më I pasur me perime të gjelbra. Nga na tjetër, ekspertët mendojnë se duhet t’I shmangemi mishit të kuq dhe djathrave, pasi atom und ta nxisin zhvillimin e kësaj sëmundjeje. Po ashtu shmangiuni prodhimeve të qumështit dhe domateve, pasi ato bëjnë pjesë te ushqimet e pasura me estrogjen.

Healtbook, aplikacionit më i ri i iOS 8

Një nga të rejat e iOS 8 do të jetë edhe aplikacioni Healtbook, e menduar nga Apple për të monitoruar aktivitetet sportive dhe shëndetin e përdoruesit. Faqja e njohur 9to5Mac ka publikuar të gjitha informacionet për këtë aplikacion, që do të prezantohet zyrtarisht në Qershor dhe do të lëshohet sëbashku me iOS 8, gjatë vjeshtës.

Healtbook do të ketë një grafikë të ngjashme me atë të Passbook. Çdo kategori do të ketë një ngjyrë ndryshe, dhe do të jenë të organizuara sipas preferencave të përdoruesit. Healtbook do të ofrojë këta funksione:

• Monitorim të të dhënave në lidhje me analizat e gjakut


• Matje të rrahjeve të zemrës


• Llogaritje të nivelit të hidratimit


• Matje të presionit të gjakut


• Monitorim të aktivitetit fizik


• Mbajtje të dietës personale


• Llogaritje të nivelit të sheqerit në gjak


• Monitorim të gjumit


• Matje të frekuencës së frymëmarrjes


• Matje të ngopjes me oksigjen


• Monitorim të peshës trupore

Funksioni Fitness:
Tre kategori të Healbook i dedikohen monitorimit të aktivitetit fizik: Activity, Weight dhe Nutrition. I pari do të llogarisë hapat dhe konumin në kCal. Seksioni qëndror do të monitorojë aktivitetin tonë duke krijuar grafikë në kohë reale që do të marrin formë ditë pas dite falë të dhënave që do të mblidhen automatikisht. Kategoria e dedikuar peshës do të punojë në këtë mënyrë. Mjafton të vendosim peshën tonë fillestare, gjatësinë dhe ndonjë informacion tjetër për të patur përqindjen e masës së dhjamit dhe një grafiku që do të përditësohet çdo ditë me peshën tonë të re, duke treguar kilet që do të humbasim. Ndërsa kategoria e dedikuar ushqimit, do na lejojë të shtojmë çdo gjë që hamë, për të llogaritur kcal që marrim.

Monitorimi i presionit të gjakut dhe frekuencës së frymëmarrjes:
Me anë të fotokamerës së iPhone mund të maten rrahjet e zemrës ndërsa presioni i gjakut do të matet në spital apo farmaci nëpërmjet mjeteve profesionale. Healtbook do të jetë në gjëndje të shpëtojë të dhënat dhe t'i kontrollojë gjatë kalimit të kohës për të parë të gjitha ndryshimet.

Analizat e gjakut, ngopja me oksigjen dhe niveli i sheqerit në gjak:
Këto karakteristika janë ndoshta edhe më të rëndësishmet. Mundësia për të shpëtuar të dhënat në lidhje me analizat e gjakur për t'i pasur ato gjithmonë me vete, do na kojtojnë se cila është dieta e duhur që duhet të ndjekim për të qënë gjithmonë mirë. Do të marrim kështu disa këshilla dhe mund të shpëtojmë të dhënat analizat e tjera duke bërë edhe një krahasim midis tyre. Mund edhe t'ia dërgojmë analizat tona me faks ose email mjekut që na kuron ose t'i marrim në telefonin tonë direkt nga laboratorët e analizave.

Ky aplikacion do të jetë gjithashtu në gjëndje të monitorojë edhe nivelin e oksigjenit në gjak. I domosdoshëm për të matur nivelin dhe cilësinë e frymëmarrjes. Me Healtbook mund të monitorojmë edhe nivelin e sheqerit në gjak (glukozë), i nevojshëm për diabetikët që mund të shpëtojnë të gjitha të dhënat nga matjet e ndryshme.

Matja e hidratimit dhe frymëmarrjes:
Matja e nivelit të hidratimit është shumë e rëndësishme, sidomos për atletët. Na lejon të kuptojmë nivelin e ujit në gjak dhe nevojë që kemi për të pirë. Frymëmarrja do të masë të dhënat për minutë për çdo individ, edhe ky aspekt do të jetë i nevojshëm për atletët pas një vrapimi të gjatë ose një aktiviteti fizik.

Monitorimi i gjumit:
Apple do të arrijë të monitorojë gjumin dhe cilësinë e këtij të fundit duke kuptuar se cilat janë orët e gjumit të thellë dhe gjumit të lehtë. Të flesh mirë të bën të ndihesh mirë dhe do të kemi disa statistika që mund të shohim se një aktivitet fizik i mirë dhe i vazhdueshëm do na bëjë të kemi një cilësi më të mirë të gjumit.

Këto ishin edhe detajet e aplikacionit Healtbook, që me shumë mundësi do ta shohim tek iOS 8. /iPhoneAlbania

Itali, në pranga 3 shqiptarë, sekuestrohen 2 ton drogë

Në Rimini të Italisë sekuestrohen 2 ton marijuanë si dhe vihen në pranga 3 shqiptarë dhe një rumun. Në kuadër të operacionit të koduar “100%”, u bë i mundur bllokimi i kësaj sasie të madhe lënde narktotike.

Autoritetet italiane thonë se droga vinte nga Shqipëria dhe eshte transportuar përmes një skafi. Grupi kriminal ishte nën hetim për trafikimin e 100 kg kokainë dhe heroinë të sekuestruar gjatë shtatorit të vitit 2013.

Përgjimet telefonike kanë zbardhur faktin se grupi i strukturuar kriminal ishte duke pritur një sasi të madhe lënde narkotike. Komandanti i Guardia di Finanza për Riminin, Mario Venceslai, ka deklaruar se: “Tashmë kemi të bëjmë me një skenar të ri: Rimini nuk është më vend tranzit i sasive të vogla të drogës, por udhëkryq i vërtetë i drogës. Pjesë e kësaj organizate janë të rinj që jetojnë prej kohësh në Rimini, e njohin mirë territorin dhe kanë krijuar një model të ri të trafikimit e shpërndarjes së drogës.

Ata e trafikojnë, e përpunojnë dhe më pas e shpërndajnë. Kjo sasi kaq e madhe, e pabesueshme nuk mund të jetë e destinuar për tu trafikuar vetëm në Rimini, por në një pjesë të madhe të territorit italian”.

Si ta dalloni mjaltin e vërtetë

Mjalti është një ushqim natyral dhe i shëndetshëm, i cili përmban shumë minerale dhe vitamina, aminoacide dhe acide organike. Janë të pakta ushqimet që janë aq të shëndetshme dhe të shijshme sa mjalti.

E megjithatë, për shkak të abuzimeve me mjaltin e rrejshëm të filtruar, shumë njerëz nuk dinë ta dallojnë mjaltin e vërtetë.

Disa fakte mjaft të rëndësishme për mjaltin:

1. Kristalizimi i mjaltit nuk është fenomen negativ por pozitiv, por për shkak të shijes së konsumatorëve, shumë prodhues e filtrojnë dhe përpunojnë mjaltin që ai të mbetët në gjendje të lëngët. Mjalti i cili kristalizohet është në të vërtetë mjaltë natyral.


2. Mjalti cilësor i papasterizuar është përplot vitaminë D, minerale dhe antioksidant tjerë, si dhe enzima mjaft të dobishme.


3. Për dallim prej qumështit dhe lëngjeve natyrale, mjalti nuk ka nevojë të pasterizohet për të qenë i sigurt për t’u konsumuar nga njerëzit. Në mënyrën industriale të mbushjes pasterizimi shfrytëzohet sepse zvogëlon mundësit e fermentimit dhe ndërpret kristalizimin/granulimin. Për t’u pasterizuar mjalti duhet të kalojë ngrohjen në temperaturë deri 71 gradë celsius dhe procedurën pas mbushjes së shpejtë të ftohjes së përshpejtuar. Pasi që e dimë që mjalti nuk preferohet të ngrohet, dhe as nuk lejohet me ligje të BE-së, që gjatë kristalizimit mjalti nuk ngrohet në temperaturë më të lartë se 40 gradë celsius, ndërsa ata që rekomandojnë 45 gradë celsius e më shumë do të duhej të studiojnë vetitë dhe rregulloret për kualitetin e mjaltit.


4. Mjalti ka veti të lehta antibiotike dhe antibakteriale falë një enzime, të cilën e tajitin dhe “përtypin” bletët me nektarin. Kjo enzimë krijon peroksidin e hidrogjenit, i cili shkatërron bakteret e dëmshme (në mjaltin e pasterizuar kjo enzimë më nuk është i pranishëm). Prandaj edhe vendoset mjalti në plagë dhe vende të inflamuara.


5. Foshnjave(deri në 14 muaj), që akoma nuk kanë të zhvilluar imunitetin, nuk do të duhej t’u jepej mjalti sepse në organizmin e tyre për shkak të mundësisë së pranisë baktereve, mund të shkaktojnë botulizmin.